رسالة من فتاة أردنية حول إجراءات دخول ستاد عمان لحضور مباراة الأردن وإسبانيا ( التفاصيل )
المدينة نيوز - وصلتنا هذه الرسالة من مواطنة أردنية تشرح فيها حقيقة ما جرى لهن أثناء حضور مبارة الأردن وأسبانيا الجمعة ، ننشرها كما وردت حرفيا ولا نتبنى ما ورد فيها :
السادة المدينة نيوز
الله يعطيكم العافية
تحية طيبة
شي صار معنا امبارح في لعبة النشامى
سؤال
بس لو سمحتو ممكن نعرف شو الغاية من منع دخول الكميرات الشخصية الى الملعب
بلعبة الاردن روحنا انا و اخواتي البنات الى الملعب و معنا تذاكر
و كان مع اختي الي عمرها عشر سنين كميرا صغيرة
عالباب اخدوها منها و ضلت خايفة عليها طول المباراة
و بالاخير لما طلعنا لناخدها هلي عالباب بقول انها مش موجودة انسرقت
ايه هيك قال انسرقت
وين بنصرف هالكلام يا محترمين
بالاصل ليش لتنمع الكميرا من الدخول و كل التلفونات مزودة بكميرات
والكل معنا عصايات السلفي ونازلين تصوير
والله عيب عليكن تحطو هيك قوانين
انتو و نحن عايش باي قرن
صارت عنا لعبه عالمية و ليس عم تفكرو بالمنع و بالسرقة
مين بدو يعوض الصور هلي عالكميرا لهبنت الصغيره هلي كان حلمها انو تتصور و الفريق النشامى وراها
عكل حال قضيت كل ليلها عم تبكي و راحت الكميرا انسرقت هيك قال المسؤول و راحت اللعبة اصلا
عيب يا بلد
مكتوب على موقع اللجنة المنظمة
شروط الدخول وقواعد السلوك
قبل الدخول إلى الاستاد، يتوجب على الجماهير المرور بنقاط تفتيش أمنية.
سيتم الإعلان عن قائمة المواد والسلوكيات المحظورة في الملاعب قبل انطلاق البطولة، وقد تشمل ما يلي:
- الطعام والشراب، بما في ذلك المشروبات الروحية
- الحقائب الكبيرة وحقائب السفر
- الأعلام الكبيرة واللوحات التي تحمل شعارات ذات دلائل دينية أو سياسية أو غيرها من المحتوى غير اللائق
- المواد الإعلانية و الدعائية
- الأجهزة التي تحدث ضوضاء صاخبة