قصة واقعية لشاب أردني مع " الجوكر "

تم نشره الجمعة 28 حزيران / يونيو 2019 09:26 مساءً
قصة واقعية لشاب أردني مع " الجوكر "
جوكر

المدينة نيوز :- نشرت إدارة مكافحة المخدرات قصة واقعية لشاب تناول الجوكر . 

وتاليا نص القصة وفق ما نشرت الدائرة عبر صفحتها الرسمية على موقع فيس بوك : 

مرحبا كيفكم انا شب عمري ٢٦ سنة
بدي احكيلكم قصتي انا زلمة كنت يا أرض اشتدي ما حدا قدي كل ناس تعرفني واي حدا نفسو يصاحبني وشو ما حدا يطلب مني احكيلو عيوني قبل ما اسمع شو بدو بصراحة كل ناس بتحبني ... من سنة تقريبا خسرت كل شي كل شي حتى محبة الناس واهلي وكل حدا بعرفني اخد فكرة عني اني بني ادم مستحيل اتغير بيوم من الأيام فوتت على طريق المخدرات ومادة اسمها الجوكر خسرت محلي منها بطل معي مصاري صار كل همي بدي فلوس بس عشان اجيب المادة امي صارت تخاف مني اختي يلي ما اجا نصيبها صارت تخاف مني وتسكر ع حالها الباب اذا بدها تنام يلي كانت تحكيلي انت سندي امي يلي كانت لما تشوفني تحكيلي روح ربي يعطيك لحتى يرضيك يلي كانت تشوف حالها فيه قدام ناس هسا صارت تستحي تجيب اسمي

كل صحابي يلي كانو قراب مني خسرتهم بسبب الديون ارن عليهم بدي ٢٠ بدي ٣٠ بدي ٥٠ وكلهم يعطوني اخلص من هذا اروح على هذا وكلهم يعطوني وينصدمو لما اطلب منهم انو انا بطلب يلي كان وضعي منيح واعطي كل ناس صرت اخد منهم بس عشان امن حق الجرعه

من ٢٠ يوم صحيت ع حالي بفتح على الماسنجر فوق ١٠٠ واحد طالب منهم وكلهم بعتين الي ابشر ورب الكعبة المشرفة ما في حدا قلي ما معو بس هلا اي واحد بشوفو فيهم بغير طريقي وبهرب منو مشان الدين وصلت ناس كانو اغلى شي عندي عاملين الي حظر

بخصوص الدين يلي ماخدو منهم باقي اعطيهم مواعيد لسداد ولما يجي الموعد يا اطقع الهم يا اعمل حظر
ما كنت صاحي على حالي والله بس هسا صحيت لقيت علي ديون فوق ٤ آلاف بس مو ٢٠ و٣٠ دينار لقيت ناس كثير بدها مني والثقة يلي بينا راحت ويلي بين اهلي راحت كمان

انا أصغر واحد بالبيت وكل خواني وخواتي متزوجات من عدا اخت عندي دكتورة هي باقي ناس عندها بنفس الكلية دكاترة يجيو بدهم يخطبوها تأجل بسببي خايفة يجيو يسالو عني
اختي تحكيلي انت بسببك عنست كمان سنة يالله ما اصعبها مع دمعة
اهلي مصوريني فيديو وانا بتعاطى يالله شكلي شو مقرف باقي
امي أكثر حدا وقف معي مع اني كنت عاااااااق بالفترة يلي دخلت فيها عالم المخدرات
امي يلي كنت كل ما ترن علي تحكيلي ربي يرضى عليك هذا وانا صاحي
هلا من سنة ما سمعت هاي الكلمة

مشتاق حدا يهتم فيه ويحبني ويطلعني من كل شي انا فيه
انا الي ٢٠ يوم ما حطيتها بتمي وكل شي قديم كان يذكرني فيها بعدت عنو والله مش مصدق انو الي ٢٠ يوم باعد عنها قد ما انا مبسوط قاعد بعد بالايام قديش صارلي بعيد عنها ادعولي الله يثبتني وارجع اقف على رجلي من جديد

كانت عندي مصلحة ب٣٠ الف راحت والله يالله مخنوووق كثير
بس امي بتشجع فيه بتحكيلي بوعدك افتحلك احسن منها بس ضلك مثل ما انت
مقهور كثير كثير ادعولي اضل مثل ما انا هلا

امي حسيت رجعت الروح الها يخوان امي بسنة بسببي عاملة قلب مفتوح وعاملة شبكيات وصاير معها ضغط وسكري بسببي من يلي كانت تشوفو فيني ااااااخ قديش كاين حقير انا بس والله ما كنت هيك والله ياربي تسامحني والله امي يخوان كنت ادلعها بعد وفاة ابوي وانام جنبها واصحيها الصبح اكون عامل الي والها قهوة ولله كانت اغلى الناس ع قلبي وما زالت بدي تدعولي وبس أمانة ادعولي ابعد عن اي شي بغضب ربنا مش بس مخدرات

ضيعت ٥٠ الف بسنة اقسم بالله العلي العظيم اقسم بالله العلي العظيم اقسم بالله العلي العظيم كل كلمة صادق فيها وبكتب وانا #ببكي والله



مواضيع ساخنة اخرى
مجلس النواب الأمريكي يصوت ضد بيع أسلحة للاردن ودول أخرى مجلس النواب الأمريكي يصوت ضد بيع أسلحة للاردن ودول أخرى
العرموطي يسأل عن عدد الوفيات بـ " الجلطات " في السجون وانتهاء ولاية المركز الوطني لحقوق الانسان..(وثيقة) العرموطي يسأل عن عدد الوفيات بـ " الجلطات " في السجون وانتهاء ولاية المركز الوطني لحقوق الانسان..(وثيقة)
بوليفارد العبدلي تصدر بيانا حول اسباب الحجز على اموالها بوليفارد العبدلي تصدر بيانا حول اسباب الحجز على اموالها
الجيش يوقف الغاء التسريح الجيش يوقف الغاء التسريح
التخصصات المطلوبة والمشبعة والراكدة في الاردن  - رابط التخصصات المطلوبة والمشبعة والراكدة في الاردن - رابط
حكم من جامع زوجته قبل التحلل من العمرة - الافتاء الأردني يجيب حكم من جامع زوجته قبل التحلل من العمرة - الافتاء الأردني يجيب
بعد وفاة مسن تعرض للضرب اثناء سرقته .. تعزيزات أمنية في الكرك بعد وفاة مسن تعرض للضرب اثناء سرقته .. تعزيزات أمنية في الكرك
وفاة طفلين اثر غرقهما داخل بركة زراعية في المفرق وفاة طفلين اثر غرقهما داخل بركة زراعية في المفرق
تعرف على موعد اعلان نتائج الثانوية العامة تعرف على موعد اعلان نتائج الثانوية العامة
رد فعل عائلة اللبناني المتهم بقضية الدخان الذي توفي اليوم رد فعل عائلة اللبناني المتهم بقضية الدخان الذي توفي اليوم
الكرك : ضرب مسن على رأسه وسرقة ما بحوزته الكرك : ضرب مسن على رأسه وسرقة ما بحوزته
ما حكم اعتماد البنوك التقليدية في تحويل الرواتب؟!! ما حكم اعتماد البنوك التقليدية في تحويل الرواتب؟!!
تصريح امني : تعاملنا مع " مخلفات امنية " خطيرة في الشمال تصريح امني : تعاملنا مع " مخلفات امنية " خطيرة في الشمال
بعد شهر من الانقطاع .. الأردن يصدر الخيار والفلفل لاسرائيل بعد شهر من الانقطاع .. الأردن يصدر الخيار والفلفل لاسرائيل
تعرف على سبب حجب لعبة " ببجي " في الأردن تعرف على سبب حجب لعبة " ببجي " في الأردن
العثور على جثة شاب بعد غياب 5 اشهر والقبض على الفاعل العثور على جثة شاب بعد غياب 5 اشهر والقبض على الفاعل