بالفيديو : هكذا ردت ريهام سعيد ؛ المريض اللى بيتهمني اني بتاجر بمرضي و الحقير اللى مش عاوزني اخف

تم نشره السبت 27 تمّوز / يوليو 2019 05:25 مساءً
بالفيديو : هكذا ردت ريهام سعيد ؛ المريض اللى بيتهمني اني بتاجر بمرضي و الحقير اللى مش عاوزني اخف
ريهام سعيد

المدينة نيوز :- نشرت الإعلامية ريهام سعيد مقطع فيديو، عبر حسابها الشخصى على إنستجرام ويوتيوب ، للرد على الأشخاص الذين يتهمونها بالمتاجرة بمرضها. 

وقالت ريهام سعيد فى مقطع الفيديو "أنا شيفاها سفالة وقلة ذوق وقلة رحمة، هل أنا هقعد حابسة نفسى فى البيت شهر علشان أمثل إنى تعبانه؟، هل أنا لميت تبرعات على مرضى ؟ هل لما تعاطفت معايا مرتبى زاد ؟ أنا ست كويسة غصب عنك، ربنا بيبتلينى علشان بيحبى، انا مطلعتش أعيط للناس وأعمل فيديوهات وأقول الحقونى، على فكرة أنا بقالى 3 شهور عيانة ومقولتش لحد، دايما قوية وعمرى ما تاجرت بحاجة". 

وأضافت "أنا مبحبش أصعب على حد ومبحبش حد يتعاطف معايا، وانا ست قوية جدا بايمانى بالناس اللى هتقف معايا، انا عملت خير كتير جدا فى حياتى وواثقة ان ربنا هيطلعنى من اى حاجة وحشة، هو انا اصلا كنت محتاجة تجميل فى مناخيرى ؟ ولا محتاجة تجميل فى اى حاجة ؟ وحتى لو عملت عملية تجميل انت مالك، دى حرية شخصية، انت مالك، انا تعبت وكنت بموت زى اى واحد، للناس المريضة دى، على فكرة مبيكذبش غير الكذاب ومبيخونش غير الخاينين، يعني شريف مدكور لما كان بيستقبل الناس فى بيته يبقي كدا هو مكنش عنده كانسر؟ كان بيمثل؟ هل هو الواحد لازم يموت علشان ميكنش بيمثل، هل لازم يكون خبر وفاتى انهاردة علشان تقول انها مش بتكذب" , وفق "اليوم السابع" .

واختتمت كلامها "انا كنت عيانة وخفيت وراجعة احسن واقوى من الاول وراجعة برنامجى وهيبقي احسن من الاول، باذن الله باذن الله، يوم الحد هتبقوا مكسوفين اوي علشان كنت مصورة كل الى حصل، اد ايه هى حاجة قذرة انك تثبت للناس انك كنت بتموت، انا قلت لما اموت ادعولى مش اتعاطفوا معايا، انا مش عايزة اصعب على حد انا طلبت الدعاء بس، الدكتور لما تشوفوه هيقولك اللى حصل دا معجزة، كان علطول يقولى انتى محتاجة معجزة، لو مستكتر عليا ان انا اخف دى مشكلتك، لو مستكتر عليا ان انا ارجع شغلى واعيش حياتى، وكنت عاوز خبر وفاتى للاسف دا مش وقتى".