المدينة نيوز:- احتفلت الفنانة الأردنية، ديانا كرزون، بعيد ميلاد ابنتها في عامها الأول، وشاركت صورة لطفلتها سلمى، عبر حسابها الرسمي على برنامج تبادل الصور ومقاطع الفيديو (إنستغرام)، وكتبت معلّقة عليها "مارح أوصف شعوري أول ما حطوكي على صدري ياروح ماما..أحلى إحساس بالكون إحساس الله لا يحرمه لحدا..(سلمى) اليوم صار عمرك سنة العمر كله ياروحي..يا أول فرحه حقيقية بحياتي..الله يعطيكي أحلى أيام يا ماما..وأشوفك أحلى صبيه ويقدرنا نعيشك عيشة كريمة ٢١/٦/٢٠٢٢".
فيما نشر والدها الإعلامي الأردني معاذ العمري صورة لطفلته، وهي تلهو بحضنه على حسابه على (إنستغرام)، وكتب "اليوم صار عمرك سنة يا نبض قلبي وضحكة حياتي وفرحتها.. يا طفلتي وجودك بحياتي غير كل تفاصيلها من أول لحظة إجيتي فيها على الدنيا وصحيتي جواتي روح ثانية مرتبط وجودها بوجودك وغذاء هاي الروح ضحكتك ونفسك وملامحك".
وأضاف "سلمى حب كنت أسمع عنه ومش قادر أوصفه ولا حدا بقدر يوصفه تجاه ضناه وبحياتي ما كنت متخيل أنه في مشاعر بهذا الصدق وهذا النقا..ما بتتخيلي يا بابا أول لحظة اجيتي فيها على الدنيا والفرحة اللي عشتها بسماع أول واااع طلعت منك هاي لحظة بتمنها من كل قلبي لكل إنسان يعيشها ويحسها ويفرح قلبه فيها وربنا ما يحرم إنسان من هذا الشعور".
وختم بدعائه "ربنا يحفظك يا بنتي ويقدرني أكون أب صالح قائم بواجباته تجاه عيلته ويقدرني أعيشك حياة كريمة بما يرضي الله..21-6-2022".
