مدير أعمال شيرين يعلن اعتذاره عن العمل معها بشكل مفاجئ
المدينة نيوز :- أعلن مدير أعمال الفنانة المصرية شيرين عبد الوهاب، إيهاب صالح، اعتذاره عن إدارة أعمالها، جاء ذلك بعد النجاح الكبير الذي حققته خلال حفلها بالأمس في المملكة العربية السعودية.
وغرد إيهاب صالح على موقع التواصل الاجتماعي (تويتر) قائلاً: "جمهور شيرين العظيم، الحمد لله علي نجاح حفل جدة كما كان متوقع و ده العادي بتاع شيري في أي حفلة".
وتابع بتغريدته "أجلت الاعلان بالقرار ده لحد بعد الحفلة و حابب أشكركم جدا على كم الدعم الرهيب في خلال الفترة ألي فاتت ليها في المقام الاول وطبعا بعد كدة ليا. قررنا إن من الأفضل لينا إن نحط صداقتنا والعشرة قبل أي حاجة وإني ابتعد عن إدارة أعمالها و ده أكيد لمصلحة الطرفين ولينا أسبابنا". وفق(في الفن).
وأضاف: "مبروك و شكرا يا شيرين من كل قلبي و يا رب اكون كنت على قد وعدي وكلمتي ليكي انى دايما في ضهرك والحمد لله الدنيا دارت من أول و جديد و تكسري الدنيا حفلة بعد حفلة".
وأردف: "خلاص أهو الالبوم على أبواب و متأكد إنه هينجح نجاح غير عادي. فرحان بشكل ملوش وصف بنجاحك و رجوعك بالقوي دي و ده إللي اتعودنا علية منك طول السنين دي. أنا كدة كدة دايما موجود زي مانتي عارفة و ربنا يديم كل أللى بينا على خير و أسف لو في أي لحظة كنت قصرت معاكي باي شكل".
واختتم تغريدته كاتباً: "ربنا دايما يحبب فيكي خلقه و يبعد عنك أي شر بكل أشكاله و يكتبلك السعادة . أتمنى التوفيق لمديرين الأعمال الجايين و ادعمهم دايما بأي شكل أكيد عشان تفضلي دايما علي القمة".
