دارين حدشيتي تزور ضريح مدير أعمالها الراحل وترثيه بكلام مؤثر

تم نشره الإثنين 12 أيّار / مايو 2014 01:11 مساءً
دارين حدشيتي تزور ضريح مدير أعمالها الراحل وترثيه بكلام مؤثر
دارين حدشيتي

المدينة نيوز:- شاركت الفنانة دارين حدشيتي بالذكرى السنوية على وفاة مدير أعمالها جورج انستاسيادس، فرثته بكلام مؤثر وقالت "شو بدنا نقلك ونخبرك ومن وين بدنا نبلش خلينا نبلش من لبنان.. يا كبيرنا تركت لبنان وهمك كان دايمآ توصل احلى صورة لكل عالم عن لبنان السياحة، الصورة وصلت حلوة بفضلك بس ما منخبي عليك بعد في اشرار بحاولوا يعرقلو مسيرة لبنان السياحة والاستقرار".

وحدثته عن نفسها وعن سبب غيابها عن الساحة الفنية "دارين يا استاذ جورج ضلت وفية ومتل ما علمتها ما تنازلت للفن الرخيص وحافظت على فنها الراقي، دارين يا كبيرنا جورج بعدها مضواية والعالم بتسأل أيمتى بينزل ألبوم دارين بالرغم من غيابها عن الساحة الفنية بعد غيابك".

وفضفضت دارين حدشيتي لأستاذها على شركات الانتاج "كان ممكن ينزل الالبوم مع شركات كتير بس ما تنازلت لطلبات رخيصة لاصحاب النوايا السيئة، ما تخاف على دارين اخت الرجال، متل ما علمتها مستمرة".

وختمت كلامها بخبر يسعد أستاذها وجمهورها "رح قلك خبرية حلوة يا كبيرنا واول مرة بقولها، انشالله قريباً رح اعمل كل جهدي تنزل اغنية دارين عالاسواق انت بتحبها كتير وكنت انت بدك تنزلها قبل ما يفرقنا القدر.. والآتي اعظم".

ونشرت حدشيتي صورة لها وهي تزور ضريحه وكتبت "بعدك بكل المطارح يا غالي يا استاذي جورج ما كنت اتخايل يجي يوم وإجي زورك بمقبرتك، غبت سنه لليوم وكأنك معي ورح ضل مع كل بحبوك يرحم ترابك".

" النشرة الفنية " 



مواضيع ساخنة اخرى