يوسف الحسيني يروي تفاصيل الاعتداء عليه في أمريكا

المدينة نيوز :- روى الإعلامي المصري يوسف الحسيني تفاصيل الاعتداء عليه من قبل أنصار الإخوان المسلمين، فور وصوله إلى نيويورك.

الحسيني قال –خلال استضافته بأستوديو قناة «النهار» بنيويرورك-: «كنت آخر واحد يخرج من المطار، فلاقيت مجموعة واقفة بعيد رافعين إشارات رابعة ولابسين أصفر، سمعتهم بقى بيقولوا شتائم بمنتهى البذاءة، فلاقيت واحد بيجري عليا روحت ضاحك وقولتله تعالى فكان خايف مني وقعد يشتم».

وأضاف: «هم كانوا 4 رجالة و5 ستات وأطفال، والمذهل بالنسبة لي إنهم قالوا كل البذاءة دي قدام أطفال وستات، طب انتوا قتلة كمان عايزين تطلعوا عيالكوا سفلة؟!، ناس هزيلة وسفلة وقليلة الأدب، وأنا أقدر أتحمل الشتيمة لحد معين، والقانون في أمريكا بيعاقب بضراوة اللي هيبدأ بمد إيده، وأنا كنت عايز إن ده يحصل ومش عايز البوليس يتدخل أنا بقى اللي كنت هكمل».

وكان يوسف الحسيني قد تعرض لاعتداء لفظي من قبل أنصار الإخوان بنيويورك، حيث انهالوا عليه بوصلة من السباب والاتهامات بالعمالة والخيانة.