صورة.. أحمد حلمي يُلقن الناقمين على حياتهم درساً

المدينة نيوز:- أراد الفنان المصري أحمد حلمي تلقين جمهوره درساً خصوصاً الذين لا يشعرون بالنعم التي يتمتعون بها وناقمون على حياتهم.

ورأى الفنان المصري العائد من رحلة علاج في الولايات المتحدة الامريكية أن أنسب طريقة هي نشر قصة مؤثرة لأحد الشباب الذي استطاع تحدي إعاقته والتعايش معها بكل رضا.

ونشر حلمي صورة لهذا الشاب، عبر صفحته الرسمية على موقع "فيس بوك"، معلقا :"الولد ده اسمه ياسين الزغبي.. طالب ف أولى ثانوي.. عنده 16 سنة، فقد قدمه من 6 سنين وكان لسه ف ابتدائي .... وبكل بساطة قال إنه لما صحي مرة من النوم وهو في المستشفى وملقاش رجله اتخض شوية وبعدين عاش وتعايش وتعامل مع إعاقته عادي جداً".

وأضاف حلمي: "سألوه نفسك في ايه ومش قادر تحققه، قال وابتسامته على وشه مفيش حاجة مش هقدر أحققها واللي نفسي فيه إن شاء الله هعمله ..الصورة دى وهو مسافر بالعجلة من القاهرة للعين السخنة .. أخد الرحلة في 7 ساعات صحيح (( لكن وصل )) !!".

ووجه أحمد حلمي رسالة إلى جمهوره، قائلاً: "احكوا الحكاية دي لولادكم والأهم تحكوها للكبار العاقلين اللي عايزين 2015 تدخل برجليها اليمين عشان معرفوش يحققوا اللي هما عايزينه في 2014.. احكوا الحكاية دي للي بيسبوا وبيلعنوا في الأيام والسنين وهما محلك سر !! المشكلة مش في السنة .. المشكلة فيك أنت !! اتعلموا من ياسين أبو 16 سنة شكراً ياسين".

وكان الفنان المصري مر بفترة صعبة حيث أصيب بورم سرطاني في الظهر، وتم استئصاله في أمريكا.