رسالة من " صاحب أسباقيات " إلى الحكومة والشعب الأردني

المدينة نيوز - خاص - : أجزنا لأنفسنا نشر هذه الرسالة التي وصلتنا من صاحب إسباقيات يدعى محمد وهو  يعاني من عدم شطب أسباقياته عن سجله الأمني عقب ثلاث سنوات من ارتكابها ،  لما يشكله ذلك من تضييق عليه في مجالات العمل وغيرها ، ويبدو أن هذا الشخص بات يائسا جدا ، ومن أجل أنه مواطن أردني ننشر رسالته حرفيا وتاليا نصها :

الانتحار اشرف من هيك حياه
اقسم بالله انا نفسيتي تعبت بسبب هالاسباقيات عمري 35سنة نفسي اتزوج نفسي اشتغل بوظيفة محترمة نفسي اكون بنظر المجتمع محترم
اعتبروني كنت كافر وبدي اتوب
اعنبروني كافر وبدي اتوب
والله تعبت نفسيا بمشي بالشارع بخاف حد يطلب هويتي لانهم بيحملوني عالمركز الامني بسبب هالاسباقيات
بروح اشتغل بمكان محترم ممنوع
تقدمت للزواج من بنت حلال رفضوني بسبب الاسباقيات
والله حرام لوين يا حكومة بدكم توصلونا اشطبو الاسباقيات اللي مر عليها 3سنوات
انا الي 3 ايام بحاول اوصل لبرج العبدلي مش قادر كل ما بفوت البرج وبوصل اخر طابق بلاقي السطح مسكر اقسم بالله نفسي اوصل لسطح البرج وارن على الحكومة واحكيلهم شكرا الكم واكتبو انتحار صاحب اسباقيات  
لوين بدكم توصلونا اتقو الله فينا انا بعترف غلطت كتير بحياتي بس بدي انظف والله بدي انطف
مشان الله يامدينة نيوز وبحيات امك وولادك ياللي بتقرأ هالرسالة انك تنشرها وبلكي وصلت لجلالة سيدنا لانو هوة الوحيد اللي بيحس بشعبو امنية حياتي اني اقابل جلالة الملك واشكيلو لاني تعبان نفسيا شكيت ودقيت ابواب كتير ما لقيت جواب .