هشام سليم لياسمين عبد العزيز: «سمعتك يعلمها الجميع" .. صورة

المدينة نيوز :- علق الفنان هشام سليم، على ما نشرته الفنانة ياسمين عبدالعزيز، تعليقا على الحكم الصادر ضد ابنته، بالسجن 3 أشهر، على خلفية قضية ابنته مع ياسمين عبدالعزيز.

وقال سليم، عبر 'فيس بوك': 'أولا الحمد لله تركت القرية اللي انتي فيها، مش عشان الناس طردوني زي ما بيحصل للي ما يعرفوش الأصول، ثانيا أنا فعلا لا يشرفني أن تكوني جارتي، لأن سمعتك في الوسط سبقاكي، ثانيا القضية لسه مخلصتش، ولما الحكم النهائي يطلع أرجو أن يظل القضاء عادل، لأني سأثبت انك كاذبة وتتمادين في الكذب حتى اليوم'.

وأضاف سليم: 'ثالثا، انتي في المحضر قلتي صوت عالي طالع من الفيلا اللي جمبك، طب مقلتيش ليه ان فيه حفلات صاخبة وبنات وولاد وشوية تحابيش من اللي بتأليفها، ألفاظ إيه اللي بتعفي عن قولها لما الوسط كله سمعك بتقوليها قبل كده، وأكيد بناتي مقالوهاش، (فاكرة التورتة اللي لبسوها في وشك في التصوير)، رابعا إيه اللي وداكي عند الجار وقابلتي بناتي بره قدام الفيلا، يعني مكانوش جوه في الحفلة الصاخبة'.

وتابع سليم: 'خامسا، لما الولاد والبنات طلعولك، وده يأكد انك كنتي أمام فيلتهم، مفيش غير بنتي اللي ضربتك بالموبايل، ده المفروض كانوا كلهم يتلموا عليكي ويتسلوا عليكي، سادسا مجبتيش سيرة العربيات السودة والبودي جاردات وطلبك يطلعوا المسدسات ليه'.

واستكمل سليم: 'سابعا، مش تفهمي الأول القضايا بتمشي ازاي قبل ما تقولي المحكمة حكمت، ولا الجهل القضائي عندك زايد، لو كده اسألي شلة المحامين اللي انتي جيباهم، ثامنا لن أعتذر لك، لأني كلمتك أول يوم، وجوزك رد عليا بعد تالت مرة، ولا ابنتي، فانتي غلطانة انك نزلتي من بيتك واتكلمتي مع عيال، واللي يمشي ورا العيال ميخلاش من التهزيق، ونصيحة مني عشان تكذبي لازم تكذبي صح، ومتنسيش اللي قلتيه قبل كده، إلى اللقاء في الحكم النهائي، ويا تري لسة بتلعبي اسكواش'.