بعد الحكم عليه.. رسالة من معتقل لأمه تبكي الملايين!

المدينة نيوز :- انتشر عبر مواقع التواصل الاجتماعي الفيسبوك وتويتر صورة أبكت الملايين لورقة قام الطالب أيمن علي موسى، الطالب بالسنة الثانية بكلية الهندسة في الجامعة البريطانية، ومدرب كرة ماء في نادي هليوبوليس، قام بإرسال رسالة إلى والدته من داخل المعتقل بعد الحكم عليه بخمسة عشر عاما بعد أن تم القبض عليه يوم 6 أكتوبر 2013 في أحداث رمسيس، في قضية تظاهر.

هذا وقد توفي والد ايمن السنة الماضية نتيجة حزنه الشديد على ابنه ولم يستطع ايمن حضور دفنته رغم قيامه بتقديم طلب خروج ليوم واحد فقط وتم رفضه، وقد تم رفض النقض الخاص بالطالب وتم تنفيذ حكم السجن لمدة 15 عام مضى منهم سنتين حتى الآن.

نص رسالة الطالب ايمن لأمه من داخل المعتقل:

"أمي … السلام عليكم

أخبارك إيه؟

أسأل الله أن يربط على قلبك ويثبتك كما ثبت أم موسى.

أنا مش فاهم حاجة من إللي حصل، كنا متوقعين إنه يقبل، بس قدر الله وما شاء فعل، الحمد لله على كل حال.

أنا مش عارف هصبر على الابتلاء ده أزاي؟ بس عارف إن ربنا لطيف بعباده، وإنه لا يكلف نفسا إلا وسعها وما تتحمل.

كل الأسباب خلصت، مفيش غير قدرة ربنا اللي باقية.

كان نفسي أكمل في هندسة بس كده شكلها خلاص.

الحمد لله إحنا أحسن من ناس كتير، على الأقل بنشوف بعض. في ناس محبوسة في بلاد تانية وأهلها ميعرفوش عنها حاجة ….

أمي … محدش إختار شكله ولا أهله ولا عيشته، ربنا إللي إختار لنا. فنفوض أمرنا له ونسلم لحكمه، وندعي إنه يخفف علينا، وإن شاء الله هيخفف.

وربنا عارف إني معملتش حاجة، ولا أذيت حد، ولا في نيتي أأذي حد …. فده يكفيني"

أيمن دخل السجن وهو عنده 21 عام وسيخرج وهو عنده 37 عام.