فيديو| سمر يسري تحرج نيرمين ماهر بـ«صور غير لائقة».. وترد: «عايزه إيه يعني؟»
المدينة نيوز :- قالت الفنانة نيرمين ماهر، الجمعة، إن هناك قيود فُرضت عليها من حيث الأدوار الفنية التي ستُقدم على المشاركة فيها، وذلك بعد زواجها الذي لم يمر عليه سوى ثلاثة أشهر.
أضافت «نيرمين»، على هامش سهرة فنية مع نجوم فيلم «أوشن 14»، ببرنامج «ليلة سمر»، عبر فضائية «إم بي سي مصر 2»، «أكيد بقى في حدود أكتر من الأول، وابتديت أخد بالي أكتر من طريقة لبسي، أو من الاشتراك في دور (أوفر)، رغم أن أنا مكنتش بعمل (أوفر) أوي، بس على قد ما أقدر هحاول أبعد تمامًا عن الأدوار اللي من النوع ده»، موضحة أن زوجها كان معترضًا على شخصيتها في الفيلم.
ومن جانبها؛ عرضت الإعلامية سمر يسري، مقدمة البرنامج، صورة غير لائقة لـ«نيرمين» بالفيلم، قائلةً: «لما جوزك بيشوف صورة زيّ دي.. بيكون عادي ومفيش مشكلة؟»، فردت «نيرمين»: «لا مش عادي.. إحنا اتخاصمنا فيها يومين»، فعلق الفنان الشاب عمر مصطفى متولي، المتواجد ضمن الضيوف، مستنكرًا فعل مقدمة البرنامج: «إنتي جايه توفقي بينهم ولا بتعملي إيه؟»، فعقبت «نيرمين»: «طيب إنتي عايزه إيه يعني؟».
تابعت «نيرمين»: «زوجي عارف أبطال الفيلم كلهم، وإحنا كنا بنقدم كوميدية في الفيلم، ومكنش في ابتذال، بشهادة الناس».
وعرض القائمون على البرنامج، صورة أخرى لـ«نيرمين» أثناء تواجدها مع الفنان الشاب حمدي المرغني، داخل حمام السباحة، ضمن أحد مشاهد الفيلم؛ فعقب الفنان محمد أنور، المتواجد ضمن الضيوف أيضًا، قائلًا: «أنا كنت هموت وانط مكان حمدي في المشهد ده، أنا حاولت أبوظ الدراما على قد ما أقدر علشان أنط جمبه حتى لكن مارضيوش»، فأردفت مقدمة البرنامج، موجهة حديثها لـ«أنور»، «يعني إنت شايف إن حمدي محظوظ؟»، فرد: «جدًا».
وبررّت «نيرمين» المشهد، قائلةً: «كل البنات اللي في حمام السباحة كانوا لابسين (مايوهات)، لكني كنت محافظة إني ألبس حاجة بكُم، حاجة على قد ما أقدر كانت محترمة رغم أننا جوه (بسين)».
