هذه رسالة أحمد حلمي لجمهوره

المدينة نيوز :- عبر حسابه الخاص على أحد مواقع التواصل الإجتماعي ناشد الممثل المصري أحمد حلمي جمهوره بألا ينساقوا وراء الحسابات المزيفة التي تحمل اسمه.
وكتب حلمي التالي: "مساء الخير عليكوا جميعا.. أنا طالب منكم خدمة.. ودي أول مره أطلب فيها خدمة منكوا.. أنا هاقولكوا إيه الموضوع، في بعض الأصدقاء والصحفيين الأعزاء كلموني وقالولي إن في أكاونتات كتيرة منتحلة شخصيتي وحاطين صورتي واسمي، وطلبوا مني أرد على الأكاونتات المزيفة دي لأنهم بيتكلموا بلساني والناس بتصدق، وبعض الناس بتشتم من غير حتى ما يتأكدوا إذا كانت الأكوانتات دي بتاعتي فعلا ولأ، المهم إنهم طلبوا مني أرد وأوضح الصورة، فأنا لقيت نفسي بقولهم جملة قولتها قبل كدة في أحد مشاهد فيلم (ألف مبروك) قولتلهم "والله ما أنا رادد" فضحكوا" "علشان كدة أرجوكم أي حد يقابل في وشه أي أكونت يحمل اسمي أو صورتي ياريت يتأكد إنه حقيقي قبل ما يتعامل معاه.. وللعلم أنا معنديش أكونتات خالص مش مؤكدة. كلها مؤكدة بعلامة الصح الزرقاء .. الخدمة بقى اللي أنا طالبها منكم إن أي حد يشوف أي أكونت منتحل اسمي وصورتي على فيس بوك أو تويتر أو إنستجرام إنه يعمل معاه الصح، وطبعا الصح اللي أنا أقصده إنه ينصحه ويقوله (كدة كوخة) طبعا أنا اللي خلاني أطلب هو الحب العشم والله.. شكرا جزيلا".