منة فضالي تكشف سبب مساندتها لأحمد عز ضد زينة في قضية النسب
المدينة نيوز :- وجهت الفنانة المصرية منة فضالي رسالة عتاب لمهاجميها، خاصة من يستخدمون الألفاظ الخارجة والسباب والإهانات، وذلك على حسابها الخاص على موقع «الفيس بوك».
منة قالت في رسالتها: «مساء الخير عليكم.. انا منه اللي بكتب دلوقتي وكنت عاوزه اسأل ليه بتهجموني ليه بتغلطو فيا و بتشتمو ليه عملتلكم ايه علشان الاهانات دي كلها انا مش بجبركم علي أنكم تحبوني او تتقبلوني لان دي حريه شخصيه و ممكن ببساطه متدخلوش صفحتي مدام مش حبني بس مفتكرش ان في اي استفاده من الغلط».
وأضافت: «كمان عاوزه أقول حاجه لو حد منكم واخد موقف مني بسبب صور ليا زمان ف أكيد عندكم حق بس انا مش كده و اتكلمت في الموضوع ده كتير اوي و أكيد لو انا كده مش حيكون للنشر لان بكده بخسر كل حاجه و صدقوني انا اتظلمت والله اللي عايز يصدق يصدق و مش بقول كده علشان حاجه بلعكس انا خسرت حاجات كتير اوي بس صدقوني مش عيب الانسان يغلط و يتعلم من غلطه بدليل أني عمري ما عملت فيلم او مسلسل لبسه في لَبْس وحش او عملت مشاهد اغراء».
ووجهت حديثها لمن يهاجمها بسبب دعمها للفنان أحمد عز في قضيته ضد الفنانة زينة، قائلة: «حاجه اخيره.. اللي واخد موقف مني وبيشتموني علشان وقوفي جنب احمد عز فا بقولكم ليه علشان ايه واخدين موقف انا حره زي ما اي حد حر و انا دافعت عنه لأَنِّي اعرفه كويس مش اكتر وبعتبره صديق وأخ زي ما انتم بتحبه زينه و من حقكم تدفعو عنها لان في حاجه اسمها حريه الرأي».
واختتمت كلامها بقولها: «انا عامله الصفحه دي علشانكم انتم علشان تعرفو اخباري و تتفعلو معايا و تشجعوني مش علشان تهاجموني انا ممكن أقفل الصفحه لو انا مديئاكم و اوفر عليكم الغلط فيا.. اهلًا بيكم و اسفه أني طولت عليكم و اشكر كل الناس اللي واقفه جنبي و بتشجعني و أشكر برضه اللي بيغلطو و متمناش ان حد في يوم حد يغلط في حد من أهله أشكركم من كل قلبي».
