تقرير خطير على ذمة " موظف بالمجان " في الضمان الإجتماعي !

المدينة نيوز – خاص – وردنا التقرير التالي من موظف سابق في الضمان الإجتماعي كان يتدرب مجانا كتوطئة للتعيين إلا أنه تم الإستغناء عنه وعن العشرات ممن وافق الضمان على تدريبهم بعد أن عملوا أسابيع وأياما ، إذ تم إلغاء موضوع التعيين برمته ، ولكي لا نطيل عليكم ننشر التقرير بلغته وبأخطائه اللغوية والاملائية  كما ورد حسب ما انتهجناه من أسلوب نشر مفتوح ليصل كما هو بدون رتوش منا جريا على ما نوهنا إليه في مناسبات مشابهة .. (التقرير على ذمة مرسله )

يقول التقرير :

بتعرفو يا عالم
انا بقمة المأساة بالحياه ياعالم بيوم بتكون متعين وخلص ما ضل اشي غير تاخد الراتب للشهر نفسو
يعني ما ضل اجراءات تعملها بالمرة كل اشي عملت داومت ببلااش وامتحنت وقابلت و و و وو .... الخ
وعملنا فحص طبي وطلبونا وقالو وجيب لوراق
وجبناهم
وقدمناهم
وقالولنا الف مبروك...... الخ وحلينا كمان لا تزعلو
يا سلام لما روحنا وكل الموظفين فرحولنا لان حسو انو تعبنا بكل ايامنا الي فاتت وانو خدمناهم وما قصرنا معهم وكنا بدون تميز موظفين متلنا متلهم بس كنا بدون رواتب ههههه فرحولنا ويا فرحة ما تمت ...

طيب ليش ما تمت ؟؟؟
....................
لان رفيق زكي بيك وهو مدير الموارد سابقا زعلان من عمر الرزاز السابق
ليش ينقلو من مدير موارد ل مدير فرع
زعل الاخ وعشان يستد ويعلم ع المدير العام السابق عمر )
راح كتب للمدير معن النسور الجديد) الي متل الاطرش بالزفة
كتبلو .....:
والله يا معلمنا الجديد _هزة ...... _ التعيين تبع عمر مش شفاف في شوية غبرة عليه مع انو هو مقرر اللجنة للمدير السابق وهو عضو وموقع ع القائمة اللي فوق هاي وربي اشي بضحك واحد بوقع ع اشي مبارح و اليوم بحكي انو مو شفاف ومو مزبوط طيب ليه وقعت علي مدام مو صح مو شي بضحك هههههههههههه) وهيك منو بعلم ع الرزاز ومنو بلمع قدام المدير لجديد بركي يحزن عليه ويرجعوا مدير موارد
وبالنسبة للنسور قلك فرصة مننفي البطالة بالسلط بتعرفو انتو لازم تكون شفافة القوائم
لا و القضاه افندي اللي هو مساعد مدير الموارد الحالي بتعرفو بدو ينزل 20 واحد ..... حرام تخرجو السنة
ولكم بتعرفو الله لا يسامحك يا قضاه وانت يا رفيق زكي وانت يا نسور وانت يا عمر الرزاز حسبي الله ونعم الوكيل فيكم اجتمعتو ع شباب ما الها ذنب خدمت المؤسسة وكانت طموحة كسرتو خاطرها ودمرتو مستقبلها عشان مصالحكم الشخصية   تلقوها عند ربكم  ونرجو من الله انو ما يضيعلنا تعب
والسلام ختام وياريت يا مدينة  تنشرو هاي الحقيقة خلي الناس تعرف الصح لان احنا بقلب الحدث وشكرا .