بالصور - سيارة في مصر تصدم فتاة في الشارع.. وردّ فعل المارة صادم!
المدينة نيوز:- تداول نشطاء مواقع التواصل الاجتماعي صوراً صادمة لفتاة ملقاة في الشارع وهي عارية ويوجد فوقها غطاء، وحالتها الصحية متدهورة وذلك في منطقة باب الشعرية بالقاهرة.
والصور التقطها المصور الشاب حسين عادل، والذي شاهد الواقعة ونشرها، وتفاعل معها عدد كبير من المواطنين، منتقدين موقف المارة الذين لم يساعدوها سوى ببطانية لتغطي بها نفسها.
وروى المصور عبر صفحته على "فايسبوك" ما حدث قائلاً: "النهاردة الساعة 7 الصبح في ميدان باب الشعرية بالقاهرة عربية نزلت الست دي (عمرها حوالي 24 عاماً) عارية تماما وحالتها الصحيه متدهورة، وفي حالة من الهزل والضعف، وعندها مرض خلاها تفقد وزنها وتبقى اشبه بالهيكل العظمى".
وأضاف: "الناس اللي ماشية سترتها بالبطانية دي، وركنتها ع جنب الطريق.. بس هي كانت بتصرخ وتقول سقعانه وزحفت تاني في الشمس في وسط الشارع".
وتابع: "الناس كانت خايفة تتصل بالإسعاف أو بالشرطة، عشان المسائلات طبعا والسين والجيم. فضلت مرمية لحد ما دورية شرطة عدت وشافوها.. اتصلو بالإسعاف وقالو إحنا مش فاضيين وسابوها ومشيوا!".
واستكمل: "طبعا الإسعاف ماجتش.. والبنت فضلت مرمية في الشارع بعدها باكتر من ساعة.. والعربيات بتعدي من جنبها وتكاد تدوس عليها"
وأشار المصور إلى صور الفتاة التي نشرها قائلًا: "ده اللي قدرت أقدمه فعلا.. أولا مكنش معايا أي وسيلة اتصال عشان أكلم الإسعاف (الموبيل كان فاصل شحن ).. وكمان مكنش معايا عربية أوديها أقرب مستشفى ومفيش تاكسي هيرضى ياخدها".
وواصل: "أنا اكتفيت إني فضلت واقف جنبها عشان العربيات.. وعشان أحاول استرها باي غطا.. وعشان لو ماتت أحاول انعشها.. وقلت أصور الواقعة بالكاميرا الفوتغرافية وانشرها.. ع الأقل أنقل الصورة.. ده غير إن سني 19 سنة (تحت السن القانوني إني أكفلها او أضمنها)".
