طفل يصعد المسرح ويغني مع عمرو دياب للعام الثاني على التوالي… فما هي قصته؟
المدينة نيوز :- أحيا آمس الفنان عمرو دياب حفلًا في مراسي، وفوجئ جمهور دياب بصعود طفل إلى المسرح ومشاركته الغناء مع وهو نفس الأمر الذي تكرر مع الطفل نفسه العام الماضي، وهو ما جعل الجمهور يتساءل عن الطفل والعلاقة التي تجمعه به.
وأوضحت شقيقة الطفل محمد، عبر حسابها الشخصي علي موقع التواصل الاجتماعي فيس بوك حقيقة الأمر وقالت: «موضوع محمد أخويا وعمرو دياب في اختصار، السنه اللي فاتت وزي كل سنه بنروح حفلات عمرو وبنقف أول صف، ولا في بالي محمد يلبس إيه، عادي، لابس تشيرت بيحبه ومستنين عمرو عشان نقضي الحفلات، عمرو أخد باله من محمد في اغنيه علي حبك، شاوره وبعتله بوسه، لمحه مره تاني بيغني ومندمج شاورله بردوا زي أي حد، في أغنيه محمد كان حافظها عمرو أخد باله أكتر و قاله تعالي انا عايزك، طلع على الاستيدج وآخر حاجه تخيلتها أنه هيتصور وينزل بس، اتفجأت إنه بيسأله ويقوله حافظ أغاني إيه وعندك كام سنه، وغني الليله و خلينا لوحدينا وهي عامله ايه دلوقت وايه يعني ووياه، كان فعلا احلي يوم في حياتي ومفيش اي ترتيب ولا تفكير من اساسه».
وأضافت: «أقسم بالله ولا كنت رايحه الحفله ولا معايا تكيت حتى لأنها خلصت من بدري، ومحمد نفسه جدا يروح وزعلان لأنه عايز يشوف عمرو ويروح حفله زي ما اتعودنا، حد كلمني يوم الحفله العصر وقالي في تكيت تيجي بس سعر أكتر ومحمد زعلان وعمال يقول يلا نروح قومنا لبسنا ونزلنا، رايحين عشان ننبسط بردوا وقفنا أول صف ومحمد عامل شعره زي حفلة مارينا زي كل الشباب لانه بيقلد عمرو دايما»
وتابعت: «طلع عمرو وإذ فجاه يشاور ويبص أوي لمحمد ويقوله إنت تاني مش كنت هنا السنه اللي فاتت، حفظت الألبوم ولا لسه محمد قاله اه قاله هشوف وهختبرك استنى، غنى عمرو وكله هايص مره تاني قاله وريني لابس إيه وخلي حد يرفعك الناس تشوفك، بعد كده قاله يلا تعالي وغني أقسم بالله حاجات أنا معرفش امتي وازاي حفظها و قولت اكيد محمد مش هيعرف يغني لأنه سمع الالبوم اللي فات أسبوع، ولا متفقين ولا مرتبين ولا نعرف عمرو غير زي كل الناس ما تعرفه».
