“دزتني عبالها حاطة عيني على ريلها”:.. سيدة تنتقد تصرفات الحريم:” جد ما أدري شلون يفكرون!”
المدينة نيوز:- تداول رواد موقع التواصل الاجتماعي “تويتر” مقطع فيديو لسيدة كويتية تنتقد تصرفات بعض الحريم، حيث ظهرت السيدة في الفيديو تقول” بنات خلص الوقت اللي المرأة تخاف على ريلها وتقعد تتلصق فيه وتخاف واحدة إن صارت يامها بمحل ولا بمكان عام وين قاعدين وصارلي نفس الموقف..جد الحريم ما أدري شلون يفكرون!”.
واحدة شافتني واقفه شوي جنب زوجها
وأوضحت السيدة في الفيديو المتداول:” كنت طالعه و صار لي موقف جداً سخيف، واحدة شافتني واقفه شوي جنب زوجها لأني قاعده أدفع شغله وهو قاعد يكلم الريال چان تقوم و تدزني بكل وقاحة و توقف بالنص.. على بالها حاطة عيني عليه”.
دزتني عبالها أبي ريلها
وتعرضت السيدة لموجة من الانتقادات من قبل رواد مواقع التواصل الاجتماعي معتبرين أنها تنشر الفيديو من أجل الشهرة ما دفعها للرد عليهم، قائلة:” لا يكون عبالكم أنا غازلت زوجها! أنا حتى الريال ما التفت علي و لا أنا طالعته.. الوقحة اللي قامت من مكانها و دزتني عبالها أبي ريلها.. ثاني مره أفهم أنا شنو كان قصدي لما تكلمت بالموضوع.. الحريم آخر همهم الرياييل!”.
يا اللي قاعدين تسبون و تطنزون علي: أنا أم و عندي زوج
وأضافت السيدة:”يا إللي قاعدين تسبون و تطنزون علي.. أنا أم و عندي زوج”، موضحة:” كنت قاعده اتحلطم على شي صار لي و انغثيت حبيت أشارك الناس إللي متابعيني إن العالم وأيد فيه بلاوي و أنتي منو اللي تدزيني و تحسسني إني واحدة من الشارع اللي بهتم حق زوج يعني كنت بوصل فكرة إن الحريم مو كلهم تافهين و ما يفكرون إلا بالرياييل”.
