إربد .. العريس المصاب بكورونا : بعتذر و بتمنى اني اموت ولا يصيب اي حدا مكروه
المدينة نيوز :- وجه الشاب قصي العريس المصاب بفيروس كورونا في محافظة اربد رسالة عبر صفحته الخاصة على موقع فيس بوك لجميع من علم بامره .
وقال في الرسالة :
"اللهم شافي كل من أصابه المرض شفاء لا يغادر سقما وأبعد المرض عن الجميع ... أنا العريس المصاب بداية الله لا يحط حدا بمكاني ولا يبلي حدا .... أهلي إخواني وزوجتي ماحد مصاب بس بالحجر بالبيت بتمنى الكل يكون ببيتو كل من شارك بالعرس وإذا ظهرت الأعراض يراجع المستشفى بأقرب وقت ... لكل حدا لكل الي بحكي غلطك وما كان لازم صار هذا قدر رب العالمين قدر الله وما شاء فعل لو أي حدا مكاني كان عمل عرس حتى إلي وصلو بالعرس مرقو من المطار وكان وضعهم الصحي ممتاز كنا ضحية ما حد كان فينا بتخيل انو هيك يصير الأعراض كلها ظهرت بعد يومين من العرس وهذا قدر ومكتوب....... هذا وباء عالمي إذا ما صابني أنا يمكن يصيب غيري والله لايشمت حدا بحدا بالمرض الناس ما قصرت مبارح الله يسامحهم شهرت وحكت برجع بحكي الله لا يبلي حدا بهذا الوقت لازم الكل يتكاتف مشان هاي الغيمه تزول عن الكل بتمنى منكم تدعولنا وتوقفو معنا بهاي المحنه نجاتنا ومعافتنا من هذا المرض امل لكل الاردن بالنهايه بعتذر من كل الناس واحنا مرضنا والله بعلم بتمنى اني اموت ولا يصيب اي حدا مكروه مين ما كان ".
