ليلى علوي عن التحرش: "عشت التجربة"
تم نشره الثلاثاء 07 تمّوز / يوليو 2020 07:38 مساءً
ليلى علوي
المدينة نيوز :- طالبت الفنانة ليلى علوي الفتيات بضرورة الإبلاغ عما يتعرضن له من اعتداءات جنسية حتى يتمكن من ممارسة حياتهن بطريقة عادية.
ونشرت ليلى عبر حسابها الرسمي على "انستجرام" من صورة لها من فيلم "المغتصبون"، وعلقت: "(مفيش بنت ماتعرضتش للتحرش) جملة بتتردد كتير اليومين دول وسط الحوادث المؤسفة اللي بنعيشها وبنسمع عنها، جملة صادمة ومرعبة ومن المخيف إن الشواهد بتقول إنها حقيقة.. عشان كده لازم نقف عندها".
وأضافت: "لما عملت فيلم المغتصبون سنة 1989 المستوحى مع الأسف عن قصة حقيقية هزت المجتمع كله وقتها (قصة فتاة المعادي)، عشت التجربة القاسية دي من خلال الشخصية وحسيت بإحساس كل بنت اتعرضت لانتهاك بشع وكنت ومازلت مساندة لبطلة الفيلم "صفاء كامل" اللي قررت تاخد حقها وتعلن عن اللي اتعرضتله مهما كانت الظروف، ووقتها وصلت عقوبة المغتصبين للإعدام".
وختمت: "ومن يومها ولحد النهاردة ودلوقتي بالذات وأنا بدعو كل بنت اتعرضت لتحرش من أي نوع إنها تتكلم وترفض وتاخد حقها الكامل بالقانون.. علشان تقدر تكمل حياتها وعلشان تمنع الأذى عن بنات تانية ممكن يتعرضوا للي هي اتعرضتله. وأدعو كل بنت خايفة أو قلقانة أو مش عارفة الطريق الصحيح إنها تتواصل مع المجلس القومي للمرأة على رقم 15115 وهتلاقي كل الدعم سواء نفسي أو قانوني أو استشارة تحتاجها من أي نوع".
يأتي ذلك بعد الجدل المُثار حول مُتحرش الجامعة الأمريكية، أحمد بسام زكي، والذي كان حديث مواقع التواصل الاجتماعي في الأيام الماضية، قبل أن تعلن النيابة العامة القبض عليه.
