روجينا تروي قصة زواجها من أشرف زكي.. وتعلق: كنت أغار عليه - فيديو

تم نشره الأربعاء 18 تشرين الثّاني / نوفمبر 2020 07:26 مساءً
روجينا تروي قصة زواجها من أشرف زكي.. وتعلق: كنت أغار عليه - فيديو
روجينا واشرف زكي

المدينة نيوز :- استضافت الإعلامية المصرية إسعاد يونس، الفنانة المصرية روجينا برفقة زوجها النجم ونقيب المهن التمثيلية أشرف زكي. وذلك من أجل الحديث عن أمورهما الخاصة في ظهور نادر لهما، حيث سردت الفنانة روجينا، تفاصيل القصة حبهما التي أنهت بزواجهما. إذْ قالت: “أنا آمنت بواحد وصدقته وحبيته ومصدقتش هيجيبلي إيه وهيقعدني فين ومكنش عندي ده، ومفكرتش بده وتحملت المسؤولية من صغري”.

وأضافت روجينا: “لما كنا بنجيب كرسي كنا بنفرح بيه لإننا اللي اشتريناه محدش جابهولنا.. الأحلام بتكبر والطموح بيكبر وبتحسي إن الرحلة حلوة وعلى قد التعب ربنا بيجازي”.

وبخصوص إعجاب أشرف زكي بها قال: “مؤدبة ومعندهاش خبرات وتجارب، وجايبة مامتها، وحسيت إنها تتفق مع مواصفات أنا بدور عليها، وشكلها كويس جدًا وأمورة يعني، واتعرفت عليها بقى”.

وواصلت روجينا حديثها مع إسعاد يونس: “دخلت المعهد وقبل وكان الدكتور سعد أردش بيدرس لنا ومعاه معيد اسمه أشرف زكي.. كان له شعبية في المعهد وكانوا بيحبوه وبيعتبروه أخوهم. قالي تعالي أنا بعمل مسرحية واشتركي معايا، وكان كل لما يشوفني يقولي تعالي أنا عايزك”.

وفيما يتعلق بقبولها التمثيل في مسرحيته قالت: “وافقت بس قولتله لأ بقى مش هينفع مش عشان هعمل معاك مسرحية كل شوية تقولي تعالي أنا عايزك، لكن قولي البروفات امتى وأنا هاجي.. بص عليا واتضايق جدًا وهو في الأصل عصبي جدًا. بس قالي خلاص أوقفي الحديث وعمل المسرحية وجاب حنان ترك مكاني”.

 

“روجينا كان عندها انغلاق وممكن تشوفك متجيش تسلم عليكي عشان مكسوفة وأنا اجتماعي وصعب تلاقيني قاعد لوحدي لغاية ما بدأت تدرك إن ده خطأ وبقى عندها طاقة إيجابية وأصدقاء وموبايلها مكنش بيرن دلوقتي ما شاء الله وهي ممثلة موهوبة اشتغلت واللي يقول اشتغلت عشان جوزها معندناش رد على الحاجات دي وهي بدأت مع أكبر وأهم مخرجين في مصر”.

وتابعت روجينا: “عزمنا يوم تصوير المسرحية، وروحت أنا وأحمد السقا ومحمد سعد ورامز جلال وطلب مني يومها إنه يتكلم معايا. وخلصت المسرحية وطالعة آخد تاكسي وماشية ونادى عليا، وقالي أنا طالع أعمل عمرة وهستخير ربنا وهطلب إيدك وهتجوزك، بصيت له وسكت”.

وأضافت روجينا: “قعدنا مخطوبين فترة قصيرة، وسافرت أمريكا وكنت صديقة مرات عمرو عبدالجليل. وكنا احنا الأربعة مع بعض على طول، وكان مكتوب كتابنا في السيدة نفيسة”.

وحول كواليس الزواج، قال أشرف زكي: “كلمت سامي العدل وقولتله أنا هتجوز، قالي متشلش هم حاجة. وهو وجمال العدل والدكتور مدحت العدل عملوا لي تربيزة في مكان جميل، وقالولي اعزم 20 واحد، وكلمت حجاج عبدالعظيم وعلاء مرسي يشوفولي شقة، ولقوا شقة بـ280 جنيهًا في الشهر، وحجزنا كام يوم في فندق في شبرامنت، وعملنا فيه شهر العسل كام يوم وكنا بنشتغل”.

بينما تحدثت روجينا عن يوم زواجها قائلة: “كلمني قالي فاضية نتجوز النهاردة قولت له خليها بكرة.. اتجوزنا وأنا وأشرف بقينا نستحمل هو ينفعل. أنا حاضر طيب، وأنا لما اتنرفز هو يقول طيب اهدوا للبنات.. مقولناش ستوب لكن هنكمل عشان بنحب بعض، والرحلة ربنا كرمنا فيها. وعندنا بنتين أهم حاجة في حياتي، وعندك راجل مآمن بيكي وكل فترة يقول إنه مآمن بيك”.



مواضيع ساخنة اخرى