أكرم حسني يروي تفاصيل موقف محرج جمعه بـ عادل إمام

المدينة نيوز :- روى الفنان المصري أكرم حسني تفاصيل موقف محرج جمعه بالممثل المصري عادل إمام، لإي أول لقاء بينهما.

وعندما بدأ بالعمل في الإذاعة، كانت أول تغطية له لفيلم عادل إمام، وقال: "أول شغل ليا في الإذاعة كان مع أستاذ عادل روحت سجلت معاه في افتتاح عمارة يعقوبيان. تمر 6 سنين وبعمل برنامج أبو حفيظة لقيت تليفون جالي رديت، لقيته الأستاذ عادل إمام، أنا كنت عيان وقتها خفيت .. قالي كلام حلو جدا وقالي أنا عايزك يوم كذا تجيلي المسرح تتفرج على المسرحية وشوف العدد اللي عايز يجي معاك، قلتله طبعا يا أستاذ يشرفني.. وبعد ما قفلت افتكرت ان أنا في اليوم ده كنت هطلع مع تامر أمين في البيت بيتك عالهوا واتكسفت أكلم أستاذ عادل وأقوله عندي حاجة. وتأخرت جدا والطريق كان زحمة ووصلت بعد الفصل الأول من المسرحية ما خلص .. خلصنا المسرحية ودوني أوضته وحسيت إني عامل زي اللي هيتحاسب، خايف وعايز أقوله إن اللي حصل ده بره إرادتي .. أول ما شافني قالي عيب لما عادل إمام يعزمك على مسرحه وتتأخر واللي عايز يبقى فنان كبير لازم يلتزم بمواعيده. وده كان بالنسبالي أكتر موقف محرج اتعرضتله في حياتي، لسه جاي أشرحله الأسباب قالي مش عايز أسمع.. بس خرجت يومها من عنده واتعلمت إني لازم أركز في المواعيد وخدت منه فكرة أن الفنان التزام .. بقت بالنسبالي قانون.. من المواقف اللي سابت أثر عندي".