مصطفى قمر يخرج عن صمته ويعلق على أنباء دخول ابنه تيام الفن بالواسطة

المدينة نيوز :- خرج الفنان المصري، مصطفى قمر، عن صمته ليعلّق على الأنباء التي وجّهت لنجله تيام بشان دخوله الوسط الفني بالواسطة، ليعلّق قائلاً: "لبني تيام موهوب بالفطرة ودارس تمثيل وبيدرس وقدم بطولة الصف الأخير مع بيومي فؤاد، واشترك في مسلسلات كثيرة وسيشارك في مسلسل روز وليلى مع يسرا ونيللي كريم".

وأضاف مصطفى قمر: "ابني يسير في طريقه ولا يحتاج مني أن أضعه في عمل، على العكس إحنا كنا نريده معنا في الفيلم لأن وجوده مهم ودوره مهم"، وتابع: "الفنان يا بينجح بالناس يا مش بينجح".

وكشف مصطفى قمر عن نصائحه لابنه تيام قائلًا: "أنصحه أن يستمر في نجاحه، ويفضل بنفس درجة الاحترام والأخلاق، ويفضل يحب الفن وما يخليش الفلوس تأثر على اختياراته".

وعلق تيام مصطفى قمر، على كلام والده حول دخوله التمثيل بالواسطة قائلًا: "الناس هتفضل تتكلم مهما قولنا لكن أنا دارس مسرح في الـ (AUC)، وباخد ورش وبشتغل على نفسي ولما بدأت اشتغلت بره بابا، والحاجات اللي الناس عارفاني منها بره بابا، وأنا مش بآمن بالتمثيل بالواسطة لأن المخرج والمنتج مش هيفكروا ياخدوني مجاملة لوالدي ويفشلوا هما". وفق (لها)

وعن تعاونه مع والده مصطفى قمر في فيلم "أولاد حريم كريم"، أكد أن العمل سيكون نقطة مهمة في مسيرته الفنية، قائلاً: "الجزء الأول من الفيلم بيلخص طفولتي واتربيت عليه وحافظه من أوله لآخره وكل حد في جيلي بيحب الفيلم وشافه، ولم أتخيل إن هيكون في جزء تاني ولما عرفت تحمست ولم أتردد لحظة".

وأضاف تيام مصطفى قمر: "أنا ووالدي كان نفسنا نشتغل مع بعض وكنا مستنيين الفرصة الصح وفخور إني معاه ومبسوط وحاسس إنها نقطة مهمة في مسيرتي".

وعن الوقوف أمام والده مصطفى قمر قال: "أكتر بني آدم الناس بترتاح وهي بتشتغل معاه ولما بروح اللوكيشن بلاقي الناس فاكة ومرتاحة وفيه بهجة، ولما اشتغلت معاه في نفس اللوكيشن كنت حاسس براحة كبيرة، ومفيش قلق وضغط، وكنت مبسوط وعاوز أطلع أحسن ما عندي ووالدي اللي كان ناقلي الطاقة دي، وهي من أكتر المرات اللي اتبسطت وأنا بشتغل فيها".