على مكتب ناصر جودة .. قنصليتنا في الامارات

السادة المدينة نيوز - تحية وبعد - ارجو نشر هذه الشكوى على القنصلية الاردنية ..
للاسف الموظفين في القنصلية للاردنية لا تتغير معاملتهم السيئة لا في رمضان ولا غيره
بتاريخ 5/18 قدمت معاملة تجديد جواز زوجتي ودفعنا 120 درهم علشان مستعجل ووعدنا الموظف / محمد انها تكون جاهزة خلا ل 10 ايام وبعد هذه المدة اتصل يوميا بالقنصلية ولا مجيب حتى راجعتهم بتاريخ 6/6 وأنا بيتي على الحدود مع عمان يعني 120 كيلومتر ذهاب ومثلها عودة وفهمت الموظف بوضعي ولكن عند مراجعة القنصلية وسالت محمد عن المعاملة قالي ناقص صورة جواز سفر الزوج واقرار من الزوجة باسماء والدين الزوج واعمارهم وقلت له عندكم رقم التليفون على المعاملة لو بعثتوا مسيج فقالي احنا ما نتصل باحد فاعطيناه النواقص ودفعنا 60 درهم علشان فاكس النواقص ووعدنا محمد انه خلال اسبوع تكون جاهزة واخبرته انه الحرمة مضطرة للسفر للعلاج وعملية اعصاب فقالي روح اشتكي للقنصل روح فذهبت لاول كاونتر عند المدخل وطلبت مقابلة القنصل فاعطاني الموظف السماعة وقال احكي معه فسالته عن شخصه فقال انه القنصل وناقشته على موضوعي وعندما قلته دفعنا مستعجل والحين طلع مش مستعجل فقالي ايش احنا فاتحين دكانه .. المهم روحنا وبعد اسبوع اتصلت على هاتف اعطاني رقمه محمد وهو للقنصلية فقال بعدها الموافقة ما وصلت وهكذا كل يومين اتصل حتى رحت انا وزوجتي الى القنصلية بتاريخ اليوم 6/20 وسالنا موظف بالكاونترًعن المعاملة فقال ناقص اسم الزوج بالرغم اننا سلمنا محمد بالمرة السابقة صورة جواز الزوج وكل شيء فطلبنا مقابلة القنصل فخرج الينا في موزع المكاتب وطلبت مقابلة القنصل فقال انا القنصل وشرحناله كل الموضوع فدخل الى المكاتب وقال المعاملة كاملة وننتظر الرد والسيستم اللي عندي غير عن سيستم الموظفين بالكاونتر فقلت له يعني الموظف كان الاولى انه يعرف الاوراق المطلوبة مش يمشورنا حتى مسيج او اتصال بينا ما يقدر فقال القنصل خلاص ما اجت الموافقة ايش بدك اسويلك يعني وقالها بعصبية ويسمعها اللي بالصالة وحينها قلت له ليش هيك بتعاملنا انا ممكن ارفع حالتي الى وزارة الخارجية بالمملكة فحينها قالي وبصوت عالي وعصبية لا ترفع صوتك واحترم نفسك وهذه اهانة قالها امام زوجتي والموظفين اللي بالصالة وحينها وطيت راسي وروحت .
واحنا هناك في واحد اردني ايضا كان يهدد وقال للقنصل رايح اشتكي لو بنسجن
وانا اعلم من اكثر من واحد انه تعامل موظفين القنصلية سيء للغاية ولا بتغيروا.
مواطن اردني في الإمارات