طالبة في التكنولوجية للدكتور الطراونة : منشان ألله !

المدينة نيوز – خاص – عن سبق إصرار وترصد نصر أن ننشر هذه الرسالة التي وصلتنا من طالبة في كلية التكنولوجية التابعة للبلقاء التطبيقية ، وتاليا نصها بأخطائها :
" وضع جامعتنا مزري جدا وجد بحاااجة لجامعة
لا خدمااات ولا مرافق ولا مكان نقدر انو نقعد فيه بدون اذى
لا والدراااسة كمااان من الاخر
دكاترة وما في والطلاب بيزيدو بالألافات والجامعة ما عندها امكانيات
ولما قرروا يفتحو شعب للطلاب خلو الطلاب يداومو 6 ايام بالاسبوووع اي قااانون هاد اللي ما يخلي للطالب مجال انو يدرس
وبيجي بالنهاية الدكتووور بقولك انو انت اللي مقصر
القاعات ما بتكفي عدد الطلاب المسجلين والدكاترة اغلبهم ما بيقبلو زيادة ومع هيك بيتفلسفو وباخدو حضور وغياب
طيب احنا شو زنبنا انو الجامعة ما فيها قاعات كبيرة
وكنا لما نفكر نطلع للعميد نشكي
لازم يكوون عنا وااسطة لنعرف نفووت بس نحكي معو
ويوم التسجييييل ادمر اياام الحياة
جد يعتبر مأساة لطالب البوليتكنك
لا سيرفر شغال ولما تروح تسجل بالجامعة لازم تستنى من الساعة 8 للساعة 3 العصر ويا بتلحق يلا اما لأ
وازا لحقت المسجل بصير يحكي معك من اطراف مناخيرو كأنك بتشحد منو المادة شحادة
شو بدي احكي اكتر
والله لو نحكي لبكرة ما اتوقع انو الكلام بفيييد
حكينا كتيييير وتعبنا
بس بدنا ردة فعل مشاان الله " .

هذا ما لدينا أعلمناكم به يا دكتور طراونة ، مع تحياتنا . .