اخلطي الليمون مع زيت الزيتون لما تستخدميه مش هتستغني عنه طول العمر

تم نشره الأحد 21st تشرين الأوّل / أكتوبر 2018 10:43 مساءً
اخلطي الليمون مع زيت الزيتون لما تستخدميه مش هتستغني عنه طول العمر
تعبيرية

المدينة نيوز :- الليمون مع زيت الزيتون, ليهم فوايد صحية كتير جدا وده لانهم مليانين بالفيتامينات والمغذيات اللي بتفيد الجسم جدا والنهاردة من خلال موضوعنا هنتعرف على فوايد خلطة الليمون وزيت الزيتون للصحة.

الليمون غني جدا بفيتامين C, A, B6, E, وعناصر زي الفولات والنياسين والثيامين والريبوفلافين, وحتى بيحتوي على كمية قليلة من فيتامين 1.

زيت الزيتون غني بمجموعة من المواد المغذية, ويعتبر من افضل مصادر الدهون الغير مشبعة الاحادية, كمان بيحتوي على اوميجا 3, واوميجا 6, وفيتامين E, K, وغني بالمواد المضادة للاكسدة.

بعد ما عرفنا كل العناصر والفيتامين اللي موجودين في الليمون وزيت الزيتون تخيلوا لما يتجمعوا مع بعض كمية الفوايد اللي ممكن جسمنا ياخدها منهم.

– فوايد خلطة الليمون وزيت الزيتون للصحة:

1- بيخفف الامساك:

خلط الليمون مع زيت الزيتون بيساعد على تطهير وتنقية الدم, وبيخفف من الامساك, وبيحسن الهضم, ومضادات الاكسدة وفيتامين C بيساعدوا على اعادة تنشيط الكبد والمرارة من خلال التخلص من السموم وتحسين عملية الهضم.

2- بيحارب الالتهاب:

مركبات الفلافونويد ومضادات الاكسدة الموجودين في الليمون وزيت الزيتون بتساعد على تخفيف الالتهاب, وبالتالي الألم, وده بيأدي لتنشيط المفاصل, والخصائص المضادة للبكتيريا والميكروبات اللي موجودة في عصير الليمون بتساعد على تهدئة الجهاز الهضمي, وبالتالي تقليل الغازات والانتفاخ, وده بيساعد كمان بعد كده على منع حدوث آلام المعدة والتشنجات وعسر الهضم.

3- تطهير الكبد والمرارة:

شرب خليط من زيت الزيتون والليمون مع المية على معدة فاضية قبل ساعة على الاقل من وجبة الفطار هيتعبر منظف ومطهر طبيعي للكبد والمرارة, وبيمنع نمو تكون حصوات المرارة, وممكن تجربي تشربي معلقة صغيرة من زيت الزيتون ومعلقة صغيرة من عصير الليمون قبل ساعة من الوجبة هتساعد على منع القرحة وتهيج الجهاز الهضمي.

4- صحة القلب:

زيت الزيتون والليمون عبارة عن تغذية قوية لصحة القلب, لان الاحماض الدهنية في زيت الزيتون, وخصائص التطهير والتنقية اللي موجودة في الليمون هتأدي لخفض مستويات الكوليسترول السيء في الجسم.

والنسبة العالية للدهون الغير مشبعة الاحادية في زيت الزيتون مش بس هتخفض مستويات الكوليسترول السيء, لكن كمان هتساعد على تعزيز مستويات الكوليسترول الجيد, وفيتامين E اللي موجود في زيت الزيتون والليمون بيمنع اكسدة الكوليسترول, اللي بيأدي لانسداد شرايين القلب.

– طريقة استخدام خلطة الليمون وزيت الزيتون:

في اكتر من طريقة ممكن تستخدميها, ممكن تضيفي زيت الزيتون وشرايح ليمون لعصير ليمون عادي, او تخلطيهم مع بعض وتستخدميهم كصوص للسلطة, او تاخدي معلقة صغيرة من زيت الزيتون وعصير الليمون, او تضيفي معلقة صغيرة من زيت الليمون وعصير الليمون في كوباية مية وتشربيها.

– طريقة عمل مشروب ديتوكس من الليمون وزيت الزيتون:

اعصري ½ ليمونة في كوباية, ضيفي لها معلقة كبيرة زيت زيتون, وبعدين ضيفي لهم كوباية مية وقلبي المكونات مع بعض كويس, او ممكن تخلطي المكونات كلهم مع بعض وتضربيهم في الخلاط, وبمجرد ما تخلصيه اشربيه على طول في ساعتها.

الليمون وزيت الزيتون زي ما قولنا مليانين بالمغذيات المفيدة للجسم داخليا وخارجيا غير الفوايد اللي احنا قولناها مفيد كمان للشعر والبشرة خصوصا للبشرة الدهنية بعد الاستمرار على المشروب ده هتلاقيه قلل الدهون من البشرة جدا, وبيزيل السموم من بره وجوه الجسم.

– نصايح عند استخدام خليط الليمون وزيت الزيتون:

– الحاجات اللي المفروض تعمليها:

كلي تفاح بس قبل 24 ساعة على الاقل قبل ما تبدأي في تنضيف الجسم.

ممكن تضيفي كام فص ثوم وشرايح جريب فروت للخليط عشان تزودي الالياف وفيتامين C.

لو بتعاني من اي حاجة مزمنة او اي مرض او بتاخدي ادوية بشكل منتظم الافضل انك تستشيري دكتور قبل ما تبدأي, عشان تعرفي هل ممكن تعملي الديتوكس ده مع الادوية ولا لا.

– حاجات تتجنبيها:

اتجنبي الاكلات الصلبة والاكل المطبوخ لمدة 24 ساعة بعد الديتوكس,وفق صبايا ستايل .

اتجنبي الديتوكس في الايام اللي بيكون عندك فيها مشاغل او وراكي حاجات كتير تعمليها, الافضل تعمليه في الويك اند او يوم الاجازة هيكون احسن وقت عشان تكوني مرتاحة ومسترخية وترجعي بعد اجازتك متجددة ونشيطة.



مواضيع ساخنة اخرى
الإفتاء: حكم شراء الأضحية عن طريق البطاقات الائتمانية الإفتاء: حكم شراء الأضحية عن طريق البطاقات الائتمانية
" الصحة " :  97 حالة “حصبة” سجلت منذ أيار لدى أشخاص لم يتلقوا المطعوم " الصحة " : 97 حالة “حصبة” سجلت منذ أيار لدى أشخاص لم يتلقوا المطعوم
الملكة في يوم اللاجىء العالمي : دعونا نتأمل في معاناة الأمهات والرضع الملكة في يوم اللاجىء العالمي : دعونا نتأمل في معاناة الأمهات والرضع
3341طن خضار وفواكه ترد للسوق المركزي الثلاثاء - اسعار 3341طن خضار وفواكه ترد للسوق المركزي الثلاثاء - اسعار
الدهامشة : الداخلية وفرت كل التسهيلات لقدوم العراقيين للأردن الدهامشة : الداخلية وفرت كل التسهيلات لقدوم العراقيين للأردن
العلاوين: التوسعة الرابعة ستمكن المصفاة من تكرير 120 ألف برميل نفط يوميا العلاوين: التوسعة الرابعة ستمكن المصفاة من تكرير 120 ألف برميل نفط يوميا
" الائتمان العسكري " : تمويل طلبات بقيمة 13 مليون دينار " الائتمان العسكري " : تمويل طلبات بقيمة 13 مليون دينار
العيسوي يفتتح وحدة غسيل كلى بالمركز الطبي العسكري بمأدبا العيسوي يفتتح وحدة غسيل كلى بالمركز الطبي العسكري بمأدبا
الصحة: مخزون استراتيجي للأمصال المضادة للدغات الأفاعي الصحة: مخزون استراتيجي للأمصال المضادة للدغات الأفاعي
بالاسماء : تنقلات واسعة في امانة عمان بالاسماء : تنقلات واسعة في امانة عمان
عضو في لجنة الاقتصاد النيابية: بطء شديد في تنفيذ رؤية التحديث الاقتصادي عضو في لجنة الاقتصاد النيابية: بطء شديد في تنفيذ رؤية التحديث الاقتصادي
إخلاء طفل من غزة لاستكمال علاجه بالأردن إخلاء طفل من غزة لاستكمال علاجه بالأردن
تسجيل 14 إصابة بالملاريا جميعها إصابات وافدة منذ بداية العام تسجيل 14 إصابة بالملاريا جميعها إصابات وافدة منذ بداية العام
ملك إسبانيا : الأردن هو حجر الرحى في الاستقرار الإقليمي ملك إسبانيا : الأردن هو حجر الرحى في الاستقرار الإقليمي
الملك : حل الدولتين أساسي لتحقيق السلام والازدهار في المنطقة الملك : حل الدولتين أساسي لتحقيق السلام والازدهار في المنطقة
الهواري يؤكد أهمية ضبط العدوى لتقليل مدة إقامة المرضى في المستشفيات الهواري يؤكد أهمية ضبط العدوى لتقليل مدة إقامة المرضى في المستشفيات