سجال بين ريهام سعيد وسما المصري بسبب قضية “فتاة المول”
المدينة نيوز: بعد ساعات من نشر المذيعة ريهام سعيد اتهام لسما المصري بأنها كانت المحرض في قضية “فتاة المول” المعروفة، قررت سما المصري أن ترد عليها.
ونشرت سما المصري عبر حسابها على انستغرام ردها على صورة قديمة لريهام سعيد جاء فيه:
“الوليه بتاعت العفاريت دي بتقول أني انا اللي ذقيت عليها (فتاه المول) وأنا اللي افتعلت القصه كلها… ليه ياروح أمك هو أنا اللي قلتلك انشري صورها؟ ولا انا اللي قلتلك اسرقي صورها من على تليفونها ياحراميه الصور؟”.
“وموضوع أني أخدت فلوس منك.. طبعا أخدت منك فلوس تعويض عن إهاناتك ليا لما قولتي أني أخدت ١٠ الآف جنيه وماجتش البرنامج، أخدت منك بدل ال١٠ الاف أضعاف أضعاف الفلوس دي، وبتقولي أنك ماقعدتيش تحت رجليا عشان تترجيني اخلصلك الموضوع عشان ماتتحبسيش وانك مصوراني، طيب يلا انشر الفيديو باه عشان الناس تتفرج عليا وأنا زلاكي، ولما أنا متورطه ماروحتيش تشتكيني ليه ولا خايفه تتحبسي تاني؟؟”.
“هو السؤال بس أنتي دفعتي ليا فلوس أنا و(فتاه المول) ليه لما أنتي معاكي الحق كده وعامله بورم؟، مش الغلابه كانوا أولى بالفلوس دي يابتاعت الغلابه؟، فرحانه انتي اوي أني قلبتك في فلوس ياحجه؟؟ هههه، ماهو أنا وراكي وراكي محدش هيفضحك غيري طالما أنتي بجحه كده يا بتاعت العفاريت، ولو أنا نصبت عليكي يبقي برافو عليا عقبال المره الجايه يابتاعت العفاريت بالشفاء ياروح خالتك”.”
ونشرت ريهام سعيد عبر حسابها على الفايسبوك اتهام لسما المصري تؤكد من خلاله أنها هي التي كانت وراء تلفيق التهمة لها بالاتفاق مع فتاة المول، وكتبت:
“بقالي ٤ سنين الناس ظالماني وعارفه أني لو قلت محدش هايصدق، وأنتي النهارده جيتي نصفتيني”. وتابعت: “اعترفتي ادام كل الناس أن أنتي إللي زقيتي عليه (فتاه المول) وعملتوا مقلب الصور عشان تاخدوا ٢ مليون جنيه أنتي مليون وهي مليون، شقايا وتعبي، ايوه دم قلبي ومش مسامحه فيه، فكره أني قعدت تحت رجليكي محصلش أنتي إللي كنتي جايه هاتموتي على الفلوس وكله متصور، متشكره أن أخيرا الناس هاتعرف أنتوا عملتوا فيه ايه، واتظلمت ازاي، أنا عمري ما اذيت نمله، اخيرا مصر كلها هاتعرف الحقيقه”.
“نصيحه اتقي الله عشان أخرتك وحشه اوي اوي، (ذرهم يخوضوا ويلعبوا حتي يلاقوا يومهم الذي يوعدون). صدق الله العظيم. في كل صلاه هادعي عليكي وعليها.. حسبي الله و نعم الوكيل من قلبي” . (نورت)
